kasinungalingan

datapwat me karampatang katarugan
ang nasa taas
para sa mga taong tulad kong
sinungaling
traidor
mananakit

pagkat walang sapat na kabayaran
ang sakit na dinulot ko
sa mga mahal ko sa buhay
ng dahil sa aking
pagtakip sa katotohanan

ako'y manloloko
at palagay ko
Diyos lang makakapagpatawad neto

:'(


pero alam mo
kahit ganun pa man
hinde ko to ginusto
o sinadya

hay

datapwat

datapwat
dapat gawin ang tamang gawin
kahit na mahirap tiisin
kahit na masakit damdamin
kahit malabong isipin

datapwat
sa bawat pagsambit
sa bawat pagsusulit
sa bawat pananahimik
unahin ang kabutihan bago sa lahat

datapwat
ang buhay ay mahirap
ang tumuwid ay masklap
ang magtrabaho ay magsikap
pagkat sa huli ang pagsisisi

datapwat
magmahal
masaktan
magtiis
maghintay
magsaya
maging totoo
magsalita
manahimik
makinig
mamuhay
magbigay
magipon
at
gawin ang lahat
para sa Kanya

mariel

M - ay isang nagniningning
A - t nagbubukod tangi
R - osas na malambing
I - indakan mo ang pag-awit
E - ngkantanda ang ganda
L - ungkot man o masaya

L - ilisan na siyang tunay
Y - aong pamilya'y iaakay
N - angungulila sa kanila
N - aghahanap ng kalinga

T - anging dasal at pagmamahal lang
A - ng aking maipapabaon
N - g lumuwas na ang dilag ng pagkakataon

:)

para sa yo mariel :)

ang kalabog ng pagkahulog

kalabog kalabog
ang tanging tunog
na aking natimbog
nung ang puso ko'y nadurog
at utak ay muntik masunog
sa iyong mga pagsabog
at mga pagdadabog
na wala naman sa hulog

kalabog kalabog
at ang pulso ko'y tumirik
dahil damdami'y matarik
mula sa mahimbing na hilik
ito'y iyong pinasabik
ngunit sa dulo'y pumaltik
at wala ka ng imik
kahit na ako'y bumalik

kalabog kalabog
nalaglag ng tuluyan
ang pusong dumduyan
sa pag-ibig na sabayan
ang tugtog sa kawayan
subalit walang damayan
ng ika'y namalayan
at lumapit sa kamatayan

kalabog kalabog
at ang puso ko'y sumabog

sari sari

sari sari
ang nangyayari
ganito nga ba
o ganyan?

tila bagang
walang humpay
ang hampas
ng buhay

madalas nasa
ilalim ng pedestal
naghahanap
ng kasagutan

minsan nasa
ibabaw naman
sa harap
ng tao

bawat bagay
may dahilan
kung kailan
ay di ko alam

pero sa Diyos
na lamang ako
umaasa
pagkat Siya
lang ang sigurado
kahit samu't sari ang mundo

nagiisa

alam kong mahirap kang tiisin
kahit ang Diyos alam iyon
pero tinitiis ko pa rin
kase alam kong yun lang ang kaya ko gawin...
sa ngayon...

noong una parang wala
ika'y sumangguni
ako'y tumulong lamang
naninibago pa sa mundo
dahil noo'y kakabalik-loob
salamat Panginoon

nang lumaon naging tunay na magkaibigan
nagdadamayan, nagtutulungan
nagkukulitan, nagtatawanan
at nangyari na nga
nahulog ang isa sa isa

bagama't nangakong hindi mangiiwan
pagkat sa nakaraan niya'y ito lang ang naranasan
ako'y kanyang iniwan
mag-isa at luhaan
sa sulok ng mundong aking ginagalawan

naghintay
nagtiis
nagpatuloy
at di bumitaw
nanahimik at nagingay habang naghihintay

ngunit sadyang mapait
dahil hindi na nanumbalik
ang dating sabik
sa pagkikitang di na sumaglit
ganun na lamang...

hanggang ngayon
kumakapit sa Maykapal
sa lakas na harapin
ang lamig at kirot ng paghihintay
umaasa sa planong Kanyang nilaan

kaya ngayo'y nagiisa
lumalaban na parang ang gera ay nasa sarili lamang

para sa aking nanay

o kay galing nga naman ng buhay
pagkat tayo'y nagsimula sa iisang paraan
mula sa isang nilalang na babae
tayo'y may pagmumulan

mula sa iisang butil
na dahan-dahang lumaki
unti-unting naging buhay
sa loob ng tiyang malaki

sa paglipas ng panahon
tayo'y naging sanggol
na tila nagpupumiglas lumabas
at harapin ang mundong yaon

pagdating ng tamang panahon
ito'y nagkatotoo
tuluyan na tayong ipinanganak
hinde nga lang kahapon

ang hirap ng pagdadala
hanggang sa pagluwal
at tuluyan niyang tiniis
gawa ng pagmamahal

ngunit di lang dun nagtatapos...

tayo nga'y naging bata
naglalaro ng walang pakialam
sa araw na mainit
o sa ulang malamlam

kahit na magsakit
siya ay nagpupumilit
na tayo'y alagaan
at hinde pabayaan

nang tayo'y nag-aral
kahit ano'y ginagawa
pagiging pasaway o makulit
na lagi niyang ikinakagalit

nagsayang ng panahon
pag-aaral ay ibinaon
ngunit siya'y nagtiyaga
at tayo'y nakaahon

at ngayo'y nagsasarili na
ibig lang natin ay mag-isa
humiwalay sa taong nag-aruga
nagtiis at nagdusa

tunay ngang dakila
ang ating mga ina
nagmamahal sila ng buo
at walang kaduda-duda

bagaman sa dami ng taon
ni hinde natin to sinuklian
tuloy pa rin sila sa pagaalaga
sa ating mga anak niya

kaya ngayon kahit konting pansin
ay aking iaalay sa kanya
kung gaano siya nagtiyaga
siya naman ay pinagpapala

aking dalangin sa araw-araw
ay kalusugan niyang wagas
buhay na masaya
at pagmamahal kong lubos

maligayang araw ng mga nanay aking ina :)

tinuhod ko na

suko na ko
ayaw ko na
hinde dahil wala na ko paki
pero dahil alam kong hinde ku na laban to

Diyos na ang lalaban
ng gerang hinde ko na hawak
Ikaw na ang pumukaw ng puso nila
at gawan ng paraan ang pananakit na ito

dahil tanging Ikaw lang ang may alam
ng mga planong inilaan mo
sa buhay ng isang tulad ko
na buo ang pananalig sa Yo

bahala ka na Lord
dahil tinuhod ko na...

wag mo ko iwan

madalas mangyari sa tin
na kung sino pang mahal natin
siya pa ang nangiiwan

o siya pa ang nauuna

mahirap man tanggapin
talagang ganun ang buhay
hinde mo hawak ang kahit ano
isa lang ang sigurado:
maganda ang plano Niya sa iyo

kaya iwan na ko ng lahat
wag Mo lang ako iwan :)

binyag

sa aking pagkamatay sa katawan
at pagkabuhay sa espiritu
kasama si Hesus

ako na ay isang ganap na Kristiyano :)

ti amo

anu daw kamo?
ang sabi ng lasing sa kanto
ng dumaan ang kanyang iniirog

tila bang isang baliw
walang nasabing matino
ng lampasan siya ng sinisinta

at nang magkatino
dali-dali ang takbo
papunta sa direksyong yaon

nang biglang...

nasuka...

tsk! nasira na talaga
ang tingin niya sa yo
ang patuloy na iniisip ng lasenggo
wala na siyang naggawa
pagkat ang tiyan ay sira

gumulong ng gumulong
umikot ng umikot
tila walang tigil na rebolusyon ng mundo
parang dinudurog ang isipan
bumibilis ang tibok ng puso
parang sasabog ang katinuan

tumba na to...

pagkabalik ng ulirat
naramdamang siya ay basa sa tubig
at pagdilat ng mata
ay tanging si brownie lang ang kasama

iyak-tawa

hinde to tula :)

sa ngayon nandito ako nakaupo sa harap ng PC. isinasalaysay ang tunay kong nararamdaman sa mga nangyayari sa buhay ko. sa totoo lang, mas gusto ko pang mabaliw na lamang at iwan ang lahat sa limot kaysa maramdaman ang bigat na dala ko ngayon. mahirap. lagi naman pero hinde naman talaga dapat ganon. siguro nga, ganun lang talaga ang epekto pag mahalaga sa iyo ang isang tao.

mag-iisang buwan na din nung huli kame nagkausap. ung usap na matino. ung USAP talaga. hinde ung dinadaan-daanan ka lang. hinde ung dahil hinde matakasan. hinde ung pilitan lang.

mabibitin ka kase ngayong araw na to...
iiwan ko na lang tong ganito :)

ayun lang :)

pagtatagpo

pinilit abutin ang dulo ng buhay
inangkin ang lahat para lang tumibay

inaway ang lahat ng makamit
sa dulo ito pa rin ay mapait

lahat na nga ay ginawa
kahit ang mundo'y natulala

sapat na ba talaga ang narating
para ang talang inaasam ay kamtin?

o sadyang mailap ang kaligayahan
upang ako'y pagbigyang mapunan

pero ang tanging sigurado lamang
ay Siyang may hawak ng lahat
na kahit mukhang malabo
si Hesus mismo ang magtatagpo :)

ako ay may sakit

masama ang pakiramdam ko
madaming plema
masama ang ubo
parang nilalagnat

masakit ang katawan
ang puso at isipan
para bang gusto ko humiga na lang

mahirap talaga sa totoo lang
lalo na kung ika'y nagdarasal araw-araw
nagpipigil gawin ang hilig
dahil may mga taong naghihintay sa Kanya

pero dahil alam ko
na hindi ko to kaya mag-isa
mahina ako
totoo

ngunit walang saysay ipagkaila
ang totoo mula pa simula

pero ako'y tuluyan ng nadala
sa saya ng mga kasama ko
kahit gutom at pagod
sakit at sungit
ay iniwang tuluyan

bawat tawa at ngiti
mga kantahang walang saysay
tunay na nakakapawi ng panahon

salamat sa inyo
na laging nagmamahal
kahit na ang puso ko'y pagal
kayo'y nagtatagal

ang tulang ito ay para sa inyo
mga kaibigang hindi sumusuko :)

pagtatago at paghahabol

hanggang kailan kita hahabulin?
hanggang sa dulo ng mundo?
hanggang mawala ang hininga?

bakit ka ba lumalayo?
ako na nga ang walang ginawa kundi mahalin ka
ng walang hinihingi

hanggang kailan kita hahanapin?
hanggang maubos ang taguan?
hanggang mapagod sa paghahanap?

bakit ka pa nagpaparamdam?
kung ayaw mo din naman matagpuan
at sabi mo tayo'y magkaibigan

oo isa akong tanga
dahil mahal kita
pinili kong tiisin ang lahat
para lang makasama ka

pero matuto kang makiramdam
dahil ako'y tao lang
wag mong ubusin ang pisi ko
baka ikaw ay mawindang

ewan

ika'y nilapitan
nagtanong lamang
at ang sagot mo ay
...
ewan

kamatayan

tunay ngang masaklap ang buhay minsan...

biglang darating ang hinde inaasahan
sino nga ba naman makakapgsabi
kung kailan tayo ikukubli?

ngayon?
bukas?
makalawa?

kahit ilang dalaw sa quiapo
ay hinde ka maihahanda

minsan ang dahilan ay simple:
katandaan o kahinaan
minsan mas kumplikado:
sakit o aksidente
pero minsan malala:
krimen o kaaway

pero gaano man kabigat
o katagal
o kabilis ang mga dahilan

iisa lang ang tunay at tapat
ang tanging pwede lang nating gawin
ay kilalanin Siya
mahalin Siya
mahalin ang ating pamilya
at ibang tao
at mamuhay ng tuwid sa lahat ng panahon

nang sa gayong ang araw ay dumating
alam mo na kung san ka dadalhin

BOOM~~~!

tinapos mo ang trabaho mo ng madalian
tinakbo ang hagdanan pababa
sa di inaasahang pagkakataon
nabunggo mo ang boss mo
BOOM!

dali-dali kang tumakbo sa istasyon
paglabas mo ay puno ng tao
akala mo aabot ka sa pagsara ng pinto
ngunit sadyang mas mabilis ito
BOOM!

nakikipag-usap buong araw sa kaklase
parang walang pakialam sa mundo
pagtawid mong ura-urada sa kalye
biglang sumalpok ang sasakyan ni ate
BOOM!

akala mo alam mo na ang totoo
binigay mo na ang buong buhay dito
ng isang araw nakilala mo Ako
ang tunay na nag-alay ng buhay sa yo
BOOM!

kaya laging tandaan
mabuhay ng mapanuri at dahan-dahan
ialay ang buhay para sa Kanya
para kahit sa di inaasahan ay handa kang mag...
BOOM!

pansit

at ika'y nagsasalita na parang bulol
dahil pinagsasabay mong kumain
at dumaldal

ayan tuloy ika'y napagtripan

ngunit sa sa bawat sambit
kahit may pansit
ang tuwa namang nadama
ay walan kapalit

kaya...

that's it pansit :)

katahimikan

tahimik

walang masabi

kundi

mahal kita

sapul

parang tumbang preso
parang dart game
parang suntukan
parang bilyar
parang fighting game
parang kupido
parang love song
parang preaching
parang verse
parang TV show
parang banggaan
parang exams

ayun
pag nakuha mo
sapul :)

ang agos at ang bato

para kang agos ng tubig
sa ilog
hindi humihinto

patuloy kang lumalampas sa kin
di ako pinapansin
mabilis

tuloy-tuloy ang daloy mo
walang iniinda
walang hinihintuan

ngunit kahit ilang beses
mo akong iwasan
at saktan

ako'y isang bato
na huhulmahin ng oras
hanggang maging perpekto

sa paningin mo
at baka sakaling
pansinin mo din

baraha

sa isang gabi
kami'y naglaro
ng isang simple
ngunit masayang laro

ang laro ng baraha

sa bawat tanong
ito ang sasagot
pula sa oo
itim sa hinde

at nagsimula na

lahat ay nagsalit
ng nais malaman
totoo man
o katuwaan

ngunit gusto paniwalaan

habang tumatagal
mas ganadong alamin
ang sasabihin
ng barahang salamin

lumulubog na ang oras

hinde na mabitawan
lahat ay nalulong
sa hula ng baraha
at kanyang bulong

at ito'y huli na

huli na ng malamang
naniniwala ka na
sa mga sanang lumalabas
galing sa huwad na baraha...

sa aking pag-awit

sa aking pag-awit
Ika'y pinupuri
sa bawa salita
Ikaw ang sanhi

ako'y gamitin mo
upang Ika'y mapalago
at maibahagi sa iba
na taong mahal Mo

totoo nga't Ikaw din ang nagbigay
ng talentong taglay
kaya tama lang ialay
ang pagsamong tunay

hinde para sa akin ang entablado
pagkat ako lamang ay instrumento
ng Iyong pagmamahal
sa madlang iniligtas mo

o tunay ngang dakila
ang pagsilbi sa yo
at di magsasawa
na maglingkod ako

lipad

minsan ako'y naupo
tumingala at nakita ang mga ulap
parang...

biglang gusto ko lumipad na lang

sulungin ko ang lahat ng isla
liparin ko ang mga gubat
lumutang sa ibabaw ng karagatan

hay kay sarap lumipad

ito'y ay tulad ng isang batang nangangarap
walang ibang iniisip kundi ang kasiyahan
katuwaan
at gaan ng loob
ng dahilang wala namang paki sa problema
ng mundong ibabaw

kay sarap lumipad

kaya ako'y tumayo
naligo
dahil kailangan ko ng harapin ang totoo

mahuhuli na ko sa trabaho
at kailangan kong lumipad :)

aamin ba o hinde?

matagal na akong may pagtingin sa yo
para kang makulit na bata
patuloy na naglalaro sa isip ko

minsan nakakapagod
minsan nakakatuwa
minsan nakakabaliw
minsan nakakalungkot

ngunit gaano man kita kagusto
ako'y patuloy lamang na naghihintay
sa panahong itinakda Niya
pagkta ganun ka kahalaga sa kin

sobra man ang paghihirap
at luha ng pagaabang
ako'y patuloy na lumalaban
nagpapakatatag
hangga'ng dumating ang tamang panahon

na ako'y aamin
ng aking damdamin...

sana'y ika'y ganun din...

malalim

nalugmok ako sa balong malalim
tila wala ng pag-asa ng pag-ahon

araw-araw sumisigaw
umiiyak
nagmamakaawa

naghahanap ng mga kasagutan sa mga tanong
na walang taong nakapagbigay ng sagot

karamihan ang tugon ay
ewan
hinde alam
o di kaya'y naghuhula na lamang

masakit malamang nag-iisa ka lang
walang masandalan
o matakbuhan

nasa dilim na akong muli
ni hindi ko maaaninag ang sarili kong mukha
ito ba'y buo pa
o sugat-sugat na
madami na akong galos na natamo
sa mga labang pinagdaanan ko

gusto ko ng lumaya
lumipad palayo
iwanan ang lahat

at dahan-dahan kong naramdaman
ang kaluskos sa bukasan

unti-unti nitong nilalapit ang sarili
patungo sa aking kinatatayuan
ako'y natakot

ito ba ay kalaban
o tagapagligtas

hinde ku maitungo ang aking ulo...
nakiramdam na lamang ako...

mabagal
maingat
ngunit siguradong meron

pagsayad nito sa akin

dun ku lang naramdaman

Siya ang aking tagapag-ligtas
ang tanging daan...

hirap

sa bawat patak ng pawis
na iyong igugugol
sa iyong trabahong
lagi mong pinupukol
may katumbas na saya
para sa pamilyang tinataguyod

sa bawat sinulid ng oras
na lumilipas
sa iyong pagsisilbi
sa taong-bayan
may katumbas na pag-ahon
para sa masang lumulubog

sa bawat patak ng dugo
na inaalay mo
sa iyong pagtatanggol
para sa inaapi
may katumbas na buhay
at pag-asa sa nakararami

at...

sa bawat tibok at luha
na pinararamdam mo
sa taong mahal mo
habang ika'y naghihintay
may katumbas na ngiti
kapag siya'y sumasaya

malapit na

sa dulo ng panahon
darating din

antagal kong nahintay

muntikan ng bumigay
sa dami ng luha
at pighating nagdaan

sana nga'y ito's sulit
pagkat lahat ng panahong ginugol
ay di na maibabalik

puno ng sakit
at dalamhati
ngunit madami ding saya
at ngiti
kaya aking pinagdarasal

na sa huli
ika'y andyan pa rin

eh kung?

eh kung...

wala na lang kayang TV?
at telepono
at cellphone
at PS3
at Facebook?

kaya mo ba?

siguro kung tanggalin na rin ang
DOTA
SF
DN
AC?

titino ka ba?

at isama na natin ang
Internet
kuryente
tubig
pagkain

me magbabago ba?

sa totoo lang...
wala naman sa kanila ang problema

sa yo lang

kaya iwan mo na yang mga yan
at ayusin mo na ang sarili mo
dahil ang buhay hinde maghihintay sa yo

saglit

sandali lang
saglit lang
wag ka muna umalis

pwede ba
kahit na
ika'y nagmamadali

hihiram sana
ng karampot
na ngiti

dahil matagal
na nagtitiis
ang puso

makitang muli
ang iyong
ngiti

at marinig muli
ang makulit
mong tawa

ngunit ika'y umalis na...

paglaya ng diwa

bawat salitang iyong binibitawan
may isang taong ito ang pinanghahawakan
kaya ingatan ang nababanggit
pagkat ito'y pwedeng makasakit

dulot nito sa bawat saliw ng musika
aking pinaiindak ang mga paa
upang hinde masayang ang nadarama
hangga't ito'y nasa tama

madami ang pipi at bingi sa katotohanan
pawang hinahayaang sila'y pagtawanan
habang ang mundo'y naghihintay
ng kanilang ituturo tungkol sa buhay

wag matakot isulat ang kaisipan
kalayaan nito'y di mapapalitan
o kaya'y sa awit, sayaw o anu pa man
paliparin ang katotohan at damdaming kailanman

ganda

ang pagdaloy ng kanyang buhok
ay tila ilog na walang katapusan
bawat sandali ng ngiti
ni minsa'y di pagsasawaan
kahit sa panahon ng pighati
siya'y lumalaban
hinaharap ang buhay
ng buong tapang at tapatan
ang kanyang tawang baliw
musika sa aking tenga
nababasag ang puso
sa bawat hikbi at luha
pagdaldal at pagkwento niya'y
lagi kong inaabangan
pagkat wala akong nais
kundi makilala siyang tuluyan

ako'y naghihintay pa rin
sa tamang panahon
na aking masasabi
ang damdaming yaon
at kahit puso'y nasasaktan
nagtitiis sa habang panahon
alam kong sa huli
may pagibig na aahon

paglingon sa nakaraan

tunay nga't di mu maiiwan
ang pagkakabit sa iyong nakalipas
datapwat iyo na lang pagtuunan
ang darating na kinabukasan

sa totoo nga lang hinde pa nga
dahil ang ngayon ay mas mahalaga
ito'y sanhi ng katotohanang
ang sigurado'y sa kasalukuyan

kaya dapat nating tandaan
na bawat sandali'y mahalaga
matutunan ang aral noon
at huwag na itong pag-aksayahan

di mapagkakaila na may sakit itong dulot
mga damdamin at oras
mga saya at poot
at sa lagi ito'y sumisipot

ngunit ang buhay ay patuloy na iikot
ang panahon ay hinde hihinto
kaya't pulutin mo ang sarili
at ang ngayon ay ipaglaban mo

pagkat ang tibok ng mundo
ay di mu alam kung kailan uudlot
mahalin mo ang mayroon ka
upang ang lahat ng mahalaga ay iyong mabalot

inaasam

sa bawat araw
gabi
segundo
minuto

inaasam kang makita
makausap
makatawanan
makausap

at ang lahat ng saglit
bumabagal
bumibilis
gumaganda
lumiliwanag

at lagi lamang kitang
inaasam makasama muli
:)

trabaho

o kay hirap maghanap ng trabaho

saan mang dako ng mundo
o isla o pulo
di mu basta-basta makikita
ang trabahong para sa iyo

at kung sa tuwina'y nababahala
sa trabahong bahay na tuwina
paano ang pangtustos
sa pagkaing nakahain?

trabaho pa rin ang maghanap nito
pagkat takbo rito, takbo roon
buhay na ito'y sadyang malupit
baka sa patalim ako na'y kumapit

at sa bawat kalyo ng paa
na gawa ng paghahanap
upang makita lamang ang trabahong
tunay na magpapala

ngayo'y alam mo na
ang kahalagahan ng trabaho
dahil dito nagagawa mo
ang lahat ng kailangan o gusto mo

paglipas ng panahon

tayo'y tatanda din
kahit anung gawin
atin ding haharapin
ang Lumikha sa tin

at habang wala pa
ang takdang araw
tuloy-tuloy nating gampanan
ang paglingko sa sambayanan

na maipamahagi
ang Kanyang salita
at ipamalas
ang Kanyang kaligtasan

at sa ating pagharap
sa trono ng paghusga
di na natin ikakaba
kung ginawa mo ay tama

martir

isa kang martir!

bakit?

dahil kelangan kong tiising
hinde ka mahalin
kahit yun ang totoo

dahil mas pinili kong ako na lang
ang masaktan
kaysa ikaw

hinde ka karapat-dapat masaktan
para lang sa akin
ang gusto ko lang
ay ang maging masaya ka

kaya kahit sa dagok ng dilim
o sakit ng patalim
aking tatanggapin

dahil mahal kita

ang lupa

sa bawat pawis na tumatagatak
sa bawat dugo na iyong pinapadaloy
sa bawat unat na iyong hinahatak

para sa bawat butil ng palay
na isang araw ay bubuhay

sa mga taong umaasa dito
saludo ako sa yo

tuluyan na nga bang ito'y mawawala
ngayong sa panahong lahat ay naghihirap

lumuluwas
umaalis
walang nananatili

tulad ng sa iyong mga supling
na yaring kinabukasan ay mahalaga
nais mo bang danasin nila
ang hirap yaong iyong dinaranas?

paano na?
titigil ka na ba?

ngunit ika'y nagpatuloy
yumuko at umupo
sa putik at hirap

ng bawat sandali
na iyong pinili
upang manatili
sa lupang sarili

at ang bawat sukat nito
ay iaalay mo lamang
sa bansang walang pakialam
sa iyo

patay na

anlakas ng tama ko sayo

para akong tinamaan ng bato
dumugo ang utak ko
kakaisip sa yo

mabilis
mabagal
mabilis uli
nakakalito ang epekto mo

pero alam mo
naisip ko
ang tunay na tama mo sa kin
ay dahil iisa tayo ng mahal

at yun ay ang Diyos ko
hinde ko na pinapansin
ang kulang
o sobra sa yo

ang mukha mo
ang ngiti mo
ang nakakainis mong drama
ang makulit mong tawa
ang hindi ko pa alam sa yo

lahat tanggap ko
kase ganun ang Ama ko
sa akin

kaya
patay na
dahil
ikaw na :)

nahulog

nahulog na yata ang puso ko sa yo

kayanin mo din kaya ang bigat nito
loob ng aking umiikot na mundo

at sa saliw ng musika ng pag-ibig
iisa lang ang ang naririnig na tinig
ang tawag Mo na nakakakilig

2GBTG!

umiikot ang mundo

sa bawat pag-ikot nito
bagong araw ang natatamo

at sa bawat paglingon mo
bagong tao ang nakikilala

at sa bawat pagbigkas mo
bagong wika ang nasasambit

at sa bawat pagsulyap
bagong eksena ang nasisilip

at sa bawat pagtibok
bagong buhay ang nililingap

at sa bawat paghinga
bagong pagsubok ang hinaharap

at sa bawat away
bagong luha ang i-iiyak

at sa bawat pag-awit
bagong tinig ang nadirinig

at sa bawat pagyakap
bagong tao ang nakakalma

at sa bawat pagsisisi
bagong patawad ang tinatanggap

at sa bawat pagbasa
bagong kaalaman ang natatamo

at sa bawat paglakad
bagong lugar ang nararating

at sa bawat sayaw
bagong aliw ang nararamdaman

at sa bawat pag-ibig
bagong sigla ang nagpupumiglas

at pagkatapos ng lahat
iikot muli ang mundo
at magsisimula ka

pag-agos

kagabi wala akong ginawa
kundi iyakan ka

magdamag nagiisa
at lumuluha
nag-dadrama

iniisip ang mukha mo
tila isang anghel

at habang tumatagal
ang hagulgol at hingal
ay nagiging supalpal

na ako'y nahulog na
sa patibong mo

mabait, maganda, masayahin
iyakin, tampuhin, selosin
ngiti, tawa, kiligin

umiikot na ang mundo ko
dahil di ko na alam

ang dapat kong gawin
sa aking damdamin
kung itutuloy o pipigilin
 

larawan

sa bawat pagkakataon
ikaw ang nakikita ko
bawat kulay buo
bawat simbolo

lahat ay may ibig ipahiwatig
at ang puso'y pumipintig

natutuwa sa mga ibon
o sa mga asong naglalaro
o sa mga punong nagwawagayway
o sa mga ulap na naglalakad

may sigla ng buhay
na dulot sa mundo'y saysay

sumisilip ako muli
dito sa munting salamin
butas ng kaluluwa
ng bawat misteryo

malungkot lang na ako'y di kasama
dahil ako ang kumukuha

biglaan

bigla na lang dumating
ang biyayang di inaangkin
Siya lang ang nagbigay

sa panahon ng aking kagipitan
ika'y maaasahan
ni minsan ako'y di Mo binigo

tunay Ka ngang nag-iisa
Panginoon ng madla
ako'y magpupuri sa Yo magpakailanman

2GBTG!

pagbukas ng kandado

minsan sa buhay mo
may mga bagay kang tinatago
kahit sinong tao
ayaw mo mabuko

pilit mong tumatakas
sa nakaraang madulas
at di ka mapakali
dahil lagi kang nagmamadali

akala mo hinde ka napapagod
sanhi ng habang-buhay mong pagsugod
sa bukas na nakatali
sa nakaraan mong sawi

hihinto ka din at magiisip
panandaliang sisilip
loob ng iyong pusong madilim
puno ng dagok at lilim

ngayon mo lang nakita
ito'y basag na
dahil sa pagkakagamit
at abusong paulit-ulit

panahon na para kumawala
iwanan na ang mga luha
buksan na ang kandado
ng sugatan mong puso

--para kay hanzel

pandaloy ng dugo

para itong nakatagong yaman
ngunit buhay ang laman
hinde puno ng ginto
hinde rin pilak o tanso

iniingat-ingatan sa bawat sandali
hinde alam kung kailan lalandi
o gagalaw sa saliw
ng makulay na buhay

sa bawat pagkatuwa ito'y mabilis
parang hinahabol ng pulis
tila walang tigil
at walang hingal sa takbo

minsa'y sa takot ito rin
kakaripas ngunit pigilin
humihikbi sa sandali
ng inaabangang multo

naroon din ang pighati
kung saan mabagal ang pagbati
ng harap sa likod
dahil sa sakit na dulot

ngunit sa harap ng iniirog
ito'y sumasabog
parang higanteng tambol
at sa Edsa'y nagrarambol

pakinggan ang tinig nito
kung diringgin bahala kayo
basta't wag niyo lang saktan
pagkat ito'y maselan

huli man daw at magaling, huli pa rin

tumatakbo ka ng mabilis
lahat nilalampasan

ika'y lumilihis-lihis
pinipilit gumaan

wala ng pakialam sa mundo
at sa mga nangyayari dito

tuluyan ka ng nawala
sa pagiisip ng karera

bumibilis ang tibok ng puso
kumikirot ang pagiisip

tila di batid ang sakit
na dulot ng pagmamadali

ang minsang madapa
ay hindi problema

kahit may masaktan pa
sa mabagal na madla

ngunit sadyang mapait
ang iyong nasapit

dahil pagdating sa huli
ay huli ka pa rin

----ayun lang, sayang pagod haha

orasan

lumilipas ang araw ng hinde mu pinapansin
kung meron nga bang umaga
at merong bituin
sa pag-ikot ng mundo
ika'y tatanugin
ano nga ba ang silbi nito sa akin?

ang uwak ay lumipad sa himpapawid
tila hinahanap ang kanyang sarili
nang ito'y napagod nagpahinga sa sanga
ng isang puno ng saging
sabay titig
sa malawak na lupain

may mga bata sa lansangan
na kung maglaro ay parang wala ng bukas
di alintana ang pagod at sakit
dahil sa tuwang nararanasan
at habang minamasdan ng magulang
sila'y nagagalak

umaagos ang tubig
umiihip ang hangin
sumisikat ang araw
natutuyo ang lupa
ano pa ang hinihintay mo
oras na para magbago

hindi pa

hindi pa panahon para suyuin ka
ako'y maghihintay pa
kahit masakit na

hindi pa panahon para aminin na
naguguluhan ka pa
alam ko nasasaktan ka

hindi pa panahon para itigil na
mahal kita
kahit di mo pa rin alam

hindi pa panahon para limutin ka
dahil hindi kita malilimot
ay iyon ay pangako

hindi pa panahon para bumitiw na
may plano pa Siya
at iyon ang hinihintay ko

pero siguro bukas pwede na
kase hindi kita matiis
na umiyak at magdusa

wala muna :(

pasensya na
wala muna po akong tula ngayon
sadyang masakit lang po :'(

salamat po sa mga nagbabasa :)

sa araw ng puso

sa araw ng mga puso
puso ko'y litong lito
dahil hinde ku alam
ang tunay na laman nito

bagaman ito'y nagiisa lang
alam kong ito'y magpapahirap
sa puso mong hinde alam
ang tunay na paglingap

kaya sa araw na ito
pipiliin ko na lang na mahalin ka
sa aking munting paraan
sana sumaya ka

--sa totoo lang, gusto ko sana mas mahaba kaya lang... haha :P

an excerpt

(oo, ingles ang isang to...)
if only i could find
the right words to make it so
but somehow even if i can

i know you'll only go

i've been waiting on and on
He's been leading my life
i've been faithful to Him

yet He still doesn't let me know

i'm tired yet again
bordering on insane
there's no choice anyway

but to move on and take pain in the end

:'( (sana...pwede pa...)

sa pagtulo ng luha

datapwat ika'y nasaktan
sa iyong pagkadapa
at ang sugat na naiwan
ay baka lumala

bawat araw ay lilipas
na di ka nito lulubayan
pag-asa'y kumakaripas
kay tagal ng hintayan

ayaw mo man itong harapin
dahil sa sakit nitong dala
di mo man ito lasapin
patuloy pa rin itong gagambala

at heto ka ngayon umiiyak
tumutulo ang luha
buhay mong hinde payak
ngayon gulo'y bumabaha

pero kasama mo ako
sa iyong pagtangis
yayakapin kitang buo
at ngingitiang matamis

dahil ika'y mahalaga
lalo na sa Kanya
lahat ng iyong nadarama
Siya lang sa yo magpapalaya

wag ka ng malungkot mariel :)

sa paglipad

ako'y naupo
nagisip
umihip
nauntog

ika'y tumingin
tumango
tumawa
umalis

sila'y lumingon
nakinig
nang-inis
nainip

at ngayon diwa'y
lumilipad
umaahon
lumulubog

nasan ka ba?

kahinaan

kung bakit ba kase
and hina ko sa ganito
lagi na lang
nagpapagapi sa tukso

sa bawat pagtakbo
mula sa loob Mo
lalo akong sinusugod
ng masasamang damo

ayan na nga't
ako'y nanghihina
at tuluyang nagagapi
ng di alintana

at sa bawat paglipas
ako'y nawawala
naglalaho, gumuguho
o nasan ang pag-asa

ngunit ako'y biningwit mo
sa tiyak na kamatayan
hinila pataas
kahit di mabayaran

tunay ngang Ikaw lang
ang tanging mahalaga
buhay, isip at puso
pati na sa kaluluwa

kaya Diyos ko
ako'y iyong dinggin
wag mo akong iwan
pag-akap mo lang ang aking hihilingin

gusto ko pero ayaw ko

mapait ang iniwan mong sugat
sa aking damdamin at puso
tila bagang ikinawit mo
sa iyong ala-ala ang lahat
ng saya at tuwa ng buhay ko

at dahil dito ang mundo ko'y naguho

parang walang patutunguhan ang aking diwa
sa bawat sandali ako'y tulala

pagdating ng takip-silim
para kang bula
lilitaw na me dalang saya
pero sa ilang saglit puputok
at maglalaho

o kay hirap mong bitiwan
bakit ba kasi ika'y nakilala

buhay ko ngayo'y puno ng pait at luha

pero...

tama na
dahil ang sapat ay tapat na
kahit na gusto ko pang haplusin ang maganda mong mukha
ito ay isa na lamang pangitain
ang tanging gusto ko na lang ay ang lumigaya

kaya huli na to
ilulublob na kita
sa dagat ng aking mga luha
paalam na
at di na kita makikita

sa aking paghihintay

isinuko ko na sa Poon
ang aking buhay
ibinigay sa Kanya ang lahat ng desisyon

tuluyan ng naging buo
napunan ang kulang
ng Kanyang pagmamahal at paggabay

gumaan ang buhay
gumaan ang problema
lahat nagkaron ng linaw sa dating kalabuan

at ngayong Kanya na
ligaya ko'y tunay
parang may dumarating ng bago sa aking buhay

mukhang umiibig na ko...

tiwala

nasira ko ang tiwala mo
ng sa hinde ko alam na paraan
ako'y ginulat mo ng tuluyan

nang bigla mong nasambit ibang tao ang dahilan

bakit
paano
saan?

masakit isipin na may taong ganyan
na kayang mandamay sa pansariling dahilan
nakakagalit sa totoo lang

pero wala akong maggawa
pagkat ang tanging pusta ko lang ay tiwala

inaantok

akala ko gising na
hindi pa pala
kaya biglang balik kama

sumilip ang araw
konti pa lang ang tanaw
ngunit utak pa rin ay sabaw

pinilit bumangon
at maghanda ng baon
pero hirap sa pagkakataon

kaya eto at huli na
nakasalampak pa
nasasarapan pa sa pagpikit-mata
zzzzzz...

pautang?

pahingi ng onting limos
mula sa mga bulsang maharlika
pahingi ng onting awa
mula sa sisidlang puno ng bunga

pahingi ng onting oras
mula sa panahong lumilipas
pahingi ng onting pag-galing
mula sa paggamutang ningning

pahingi ng onting pagmamahal
mula sa pusong pagal
pahingi ng onting pansin
mula sa matang ayaw tumingin

pahingi ng onting talino
mula sa kaalamang matino
pahingi ng onting tawad
mula sa kaluluwang umuusad

pahingi, pahingi, pahingi
dahil ako'y walang-wala na

wala ng pag-asa
pero alam ko me mabibigay ka

walang lupon, walang pinuno

hinde nabuo ang katipunan
ng dahil lang kay andres
ito'y naipon ng isang grupo ng iisang adhikain

hinde rin nabuo ang thesis team nyo
ng dahil lang sa isang matalino
ito'y pinagsama-samang mag-aaral na iba-iba ang alam

hinde rin nabuo ang basketball team
ng dahil sa isang magaling na manlalaro
ito'y pinagtipong mga posisyong kelangang gampanan

kaya't laging tatandaan
na sa ating lipunan
hinde lamang pinuno ang sandalan
kundi ang buong samabayanan

at kundi natin gagampanan
ang ating panunungkulan
wag na nating asahan
ang ating kaunlaran

naguumapaw

o hinde ku maibulsa
sa maliit kong mundo
ang dami ng biyayang
pinamamalas mo

tunay ba na ako ay karapat-dapat
sa yaong pagpansin?

o tunay nga't ito'y kagila-gilalas
sapagkat ang kapangyarihang pinamamalas
ay di ko matanto
kung meron pang wagas

meron akong kaunting pagkatakot
na dahan-dahang sumasaplot

o ngunit sa huli aking napagkasunduan
sa puso, isipan at kaluluwa
na ito ay aking tatanggapin
ng walang pagalinlangan

ang iyong kagustuhang walang humpay
at karunungang walang kasing husay

sa muling pagkabuhay

matagal na kitang kilala
hinde ka na bago sa akin

pero magulo ka dati
at mas magulo pa ko

lumipas ang taon
lumayo lang ako

akala ko kaya ko mag-isa...

walong taon akong naglakbay
sa wala at wala

di namalayang
hinde ka pa rin tumitigil

sa bawat pagtakbo
ikaw pa ang humahabol

hinde ka pa pala tapos...

at sa kung anu'ng himala
ika'y nagpakita

ako'y namangha
sa mga bagay na ipinakita

namulat na ako ngayon
sa isang katotohanan

nabuhay kang muli at di na kita bibitiwan :)

--pre-ecncounter :)
--para kina faythe, keeneth, lovely santiago :)

alipin

wag mo akong gawing alipin mo
na bulag-bulagang sumusunod sa yo
dahil may sarili akong pagiisip
at pusong laya sa tukso
kung ang iba ay kaya mo
ako hinde

hinde lahat ng tao ay yaring manhid
o di kaya'y alipin ng paligid
mayroon ding nadadapa
ngunit may tumutulong sa kanila
at sa kanilang pagkagising
dun ka nila lilisan

sana itigil mo na ang kahibangan mo
dahil isang araw darating iyong katapat
at kundi mo man ito kayanin
huwag ka sa ming tatakbo
biglang sasabihin "Sagipin niyo ako!"
at aming sagot ay "Ano ka hilo?"


--hehehe wala lang :P

tsismis

me narinig ka ba?
ako meron
balita ko si ano ay ganun
at si ganyan nagkaron ng ganito
sina kwan at kwan ay sila

me nasagap ka ba?
ako meron
namatay na raw si ano
dahil daw si ganyan nagkaganun
at sila ano ang kumuha ng ewan

pero me narinig ako...
na hinde pala totoo lahat ng narinig mo
at nalaman kong iisa lang ang totoo
na ikaw ay tsismoso
at walang kwenta na makinig sa mga ewan mo

--------nakow ang tsismis nga naman...

pagod

ako'y pagod na
sa kakatakbo
at kakatakas sa pagkalinga mo

kahit ano'ng gawin
ika'y nakakahabol
at ako'y aabutan din

ako na mismo ang lumalayo
pero ikaw pa mismo
ang naghahanap sa akin

hinde man ako karapat-dapat
niyayakap mo pa din ako
ng mahigpit at walang maliw

kaya ngayon di na ko aalis
at ako'y mananatili na
sa pagmamahal mo

Sa Iyong Pag-iyak

nakita kita
balisa
tulala
ako'y naiyak

ika'y tumungo
umupo
lumayo
ako'y naiyak

bigla kang tumawa
nagalak
sumigla
ako'y naiyak

pinilit kumausap sa iba
dumaldal
kumanta
ako'y naiyak

nang tumagal ika'y bumuklat
nagbasa
nagmuni-muni
ako'y naiyak

at di nagtagal ika'y umiyak
lumuha
nagdasal
ako'y naiyak

pagkatapos nawala ang bahid ng sakit
kumalma
pumayapa
ako'y ngumiti

Pagningas Muli

madami ang mariing naghihintay

sa bawat sasambiting salita
tila bagang me inaasahang pagkakamali
o pangakong bibitawan

kaya puspusan ang aking pag-iingat
sa bawat masasabi
pagkat hinde alam kung saan
tutungo pag nahuli

lumulutang ang diwa
madalas sa isang talata
minsan nama'y umaasa
sa pangarap na diwata

kung sakaling ito'y magulo
isipan ay pilit ikakalma
dahil doon lamang sa payapa
darating ang pagliliwanag

hinde man ako pulitiko
arkitekto o inhinyero
pero sa aking palagay na ito
mas gusto ko pa ang maging kartero

pero ako ay isang manunulat
hinde ako pagagapi
sa mga alipusta at pangigipit
ng madlang pananaw ay pangit

kung sa dati wala ng liyab ang aking pagsusulat
isang tao mula sa marami
ngalan ay jovita
ay naging sapat na para umulit ng akda

--para sa iyo ang tula na to jovie :) sundin mo ang puso mo at wag na tong bitawan :) malaki ang tiwala ko sa kakayahan mong magsulat :)

Hindi Inaasahan

minsan ako'y nangarap
ng tala o bituin
at sa aking pagsilip
pinipilit abutin

saang mang dako umabot
walang masungkit
at parang nagsasabing
ako lamang ay pasakit

sa dako paroon ako'y sumilay
natatanging ningning ang natanaw
ramdam ang tila tanglaw nitong liyab
at dali-dali puso'y napukaw

aking binitbit ang isang sisidlan
dala lamang ay kaunti
nagsimula ng malakbay
upang marating ang minimithi

bawat kalsada na tahakin
minsa'y tuwid
madalas bako-bako
ngunit diresto ang tingin sa himpapawid

hanggang sa ako'y nahulog
sa isang banging malalim
lahat ng pag-asa'y nawala
lahat ng tuwa ay naglilim

ang aking pagkalugmok
ay unti-unting naibsan
ng galing sa kung saan
dumating ang kaligtasan

sabi mo lamang ay magtiwala
hawakan ang iyong kamay
kahit ako'y nagduda
tinanggap pa rin ang pakikiramay

dahan-dahan kong sinundan
ang iyong malambot na kalinga
at sa bawat hakbang
nabuo na ang tiwala

at sa dulo ng pagkabigo
biglang bumulaga
ang di inaasahang akay
mula pala sa talang tangi ang halaga

Ang Simula!

Datapwat ang bawat isa ay magsimula
Sapagkat ito ang tanging paraan para marating ang paroroonan
Kahit na saang dako ka man pumunla
Ikaw ay siguradong me daratnan

Totoo nga't mahirap ang manggaling sa wala
Pero sa Poon nama'y ika'y laging puno ng biyaya
Kaya dapat laging sa Kanya ay magtiwala
Nang sa gayo'y ang buhay mo ay nasa tama ang taya

Kung sa iyong paglalakbay ikaw ay maharang
At tila mayroong lumiligaw ng iyong landas
Abutin ang ilaw na Siya ang may hirang
Dali-dali ika'y maliligtas

At sa pagtatapos ng iyong umpisa
Tunay nga ito'y minsa'y madilim
Pero dahil sa Kanya ka umaasa
Ika'y pananatilihin sa Kanyang lilim

--sana'y kayo ay natuwa sa aking panimulang akda :) ako'y nagagalak na magsimula ng isang paglalakbay sa mundo na ito gamit ang aking sariling wika :) pipilitin kong maging mapagbantay sa araw-araw upang makapagsulat :)

SDAP!
(sa Diyos ang Papuri!)